ក្រុងព្រះសីហនុ(ផ្សាយវគ្គ១)ទីតាំងបនល្បែងអនឡាញទូបាញ់ត្រីកំពុងរីកស្គុះស្គាយលើដែនអាណាចក្រក្រុងព្រះសីហនុជាច្រើនទីតាំងកំពុងបើកលេងភ្នាល់យ៉ាងអាណាធិបតេយ្យចំណែកលោកវរៈសេនីយ៍ឯកថីវិសាលកំពុងដេកលង់លក់យ៉ាងស្កប់ស្កល់ហាក់បីដូចជាត្រូវថ្នាំសណ្ដំមិនទាន់ភ្ញាក់ពីដំណេកចុះមកបង្ក្រាបនៅឡើយទេ។
បើយល់តាមសេចក្តីរាយការណ៍ពីភ្នាក់ងារសារព័ត៌មានយើងបានចុះទៅដល់ទីតាំងបនល្បែងទួបាញ់ត្រីផ្ទាល់នៅរសៀលថ្ងៃទី ១៧ ខែមករាឆ្នាំ ២០២៦ជាក់ស្ដែងក្រុមការងារយើងបានសង្កេតឃើញមានទីតាំងបនល្បែងអនឡាញស៊ីសងទូបាញ់ត្រីកំពុងបើកដំណើរការលេងភ្នាល់យ៉ាងរលូនដោយជ្រកក្រោមស្លាកសណ្ឋាគារទីតាំងទាំងនោះរួមមានទីតាំងទី ១ជ្រកក្រោមស្លាកសណ្ឋាគារយីហោរតោ១ស្ថិតនៅផ្លូវ ១០២នៅភូមិ ៤សង្កាត់ ៤ក្រុងព្រះសីហនុទីតាំងទី ២ ស្ថិតនៅភូមិ ៤ សង្កាត់ ៤ក្រុងព្រះសីហនុជ្រកក្រោមស្លាកសណ្ឋាគារអុីស្តុនហ្គ្រេននិងទីតាំងទី ៣ស្ថិតនៅជិតផ្សារអូត្រេះតំបន់ឆៃណាថោនសង្កាត់៤ក្រុងព្រះសីហនុខេត្តព្រះសីហនុជ្រកក្នុងសណ្ឋាគារយីហោអូវឡឹ និងនៅមានទីតាំងបនល្បែងសុីសងទូបាញ់ត្រីជាច្រើនកន្លែងទៀតដែលអង្គភាពសារព័ត៌មានយើងមិនទាន់យកមករៀបរាប់និងអត្ថាធិប្បាយ។
ជុំវិញបនល្បែងសុីសងកំពុងរីកដុះតាលបែបអាណាធិបតេយ្យខាងលើនេះតើមានវាំងននខ្មៅអ្វីនៅពីក្រោយបានជាធ្វើឲ្យសមត្ថកិច្ចជំនាញមើលមិនឃើញ
បើទោះបីយ៉ាងនេះក្តីនៅព្រឹកថ្ងៃទី ១៨ខែមករាឆ្នាំ ២០២៦លោកវីរៈសេនីយ៍ឯកថៃ វិសាលអធិការនគរបាលក្រុងព្រះសីហនុបានឱ្យក្រុមការងារយើងដឹងតាមទូរសព្ទថាជុំវិញបញ្ហានេះលោកមិនទាន់បានដឹងទេចាំមើលលោកឲ្យកម្លាំងចុះទៅត្រួតពិនិត្យ។លោកបានបន្តថាចំពោះទីតាំងខាងលើមានច្បាប់ឬអត់ច្បាប់នោះលោកមិនទាន់ដឹងដែរចាំលោកឱ្យកម្លាំងទៅត្រួតពិនិត្យមើលក្រែងលោ គេមានច្បាប់។
ទោះបីយ៉ាងណាក៏ដោយពលរដ្ឋរស់ក្នុងតំបន់ធ្វើការស្នើដល់លោកឧត្តមសេនីយ៍ឯកសរ រដ្ឋាស្នងការនគរបាលខេត្តព្រះសីហនុមេត្តាចាត់កម្លាំងជំនាញចុះត្រួតពិនិត្យនិងមានវិធានការផ្លូវច្បាប់ឲ្យទាន់ពេលវេលាផងទៀន!ដោយស្របតាមគោលនយោបាយភូមិឃុំមានសុវត្ថិភាពទាំង ៧ ចំណុចដែលដាក់ចេញឲ្យអនុវត្តដោយក្រសួងមហាផ្ទៃ។
តែពលរដ្ឋក៏ដូចជាមន្ត្រីស្អាតស្អំមួយចំនួននៅតែចាំមិនភ្លេចនៅបទបញ្ជារបស់សម្ដេចតេជោហ៊ុនសែនស្ថាបនិកសន្តិភាពនិងជាប្រមុខរដ្ឋស្តីទីនាពេលបច្ចុប្បន្នក៏ដូចជាបទបញ្ជារបស់សម្ដេចបវរធិបតីហ៊ុនម៉ាណែតនាយករដ្ឋមន្ត្រីនាយុគសម័យនេះបានចេញបទបញ្ជាយ៉ាងម៉ឺងម៉ាត់នាពេលកន្លងទៅឲ្យមន្ត្រីគ្រប់ជាន់ថ្នាក់អនុវត្តបង្ក្រាបល្បែងស៊ីសងទូទាំងប្រទេសឱ្យបានជាកំហិត។
មកដល់ម៉ោងចេញផ្សាយនេះអង្គភាពសារព័ត៌មានយើងបានធ្វើការទំនាក់ទំនងទៅលោកឧត្តមសេនីយ៍ឯសរ រដ្ឋាស្នងការនគរបាលខេត្តព្រះសីហនុដើម្បីសុំសេចក្តីអត្ថាធិប្បាយជុំវិញបញ្ហាខាងលើតែទូរសព្ទលោក ខលចូលមិនមានអ្នកទទួល៕
